Мастеркард компаниясининг АҚШдаги транзакция хизматлари бўлинмаси Нью-Йорк штати молиявий хизматлар департаменти (НЙДФС) томонидан тақдим этиладиган БитЛисенсе лицензиясини қўлга киритди. Ушбу рухсатнома тўлов гигантига штат ҳудудида тартибга солинадиган рақамли активлар билан боғлиқ бизнес фаолиятини юритиш имконини беради. Бу ҳақда Cointelegraph.com хабар беради.
Компания лицензия олинганини эълон қилган бўлса-да, ҳозирча истеъмолчилар учун янги крипто-маҳсулотларни тақдим этмади. Бунинг ўрнига, Мастеркард рақамли активлар билан боғлиқ тўлов ва ҳисоб-китоб инфратузилмасини ривожлантиришни давом эттиришини, бунда асосий эътибор стаблекоинлар ва токенизация қилинган депозитларга қаратилишини билдирди.
Нью-Йоркнинг БитЛисенсе тизими АҚШдаги энг қатъий штат даражасидаги крипто-тартибга солиш механизмларидан бири ҳисобланади. Мастеркард ушбу лицензияни олган Galaxy ва Стрике каби йирик компаниялар сафига қўшилди. Аввалроқ, феврал ойида MetaMask ҳам Мастеркард билан ҳамкорликда фойдаланувчиларга ўз ҳамёнларидан тўғридан-тўғри крипто сарфлаш имконини берувчи карталарни ишга туширган эди.
Ушбу янгилик Мастеркард томонидан 1,8 миллиард долларга баҳоланган БВНК стаблекоин инфратузилма компанияси сотиб олинганидан сўнг юз берди. Ушбу келашув анъанавий тўлов тармоқларини блокчейн транзакциялари билан боғлаш имкониятларини кучайтириши кутилмоқда.
Шунингдек, жорий ойда Мастеркард ХРП Ledger тармоғида АҚШ ғазначилик облигациялари билан боғлиқ илк трансчегаравий операцияни якунлади. Ҳозирги вақтда токенизация бозори, стаблекоинларни ҳисобга олмаганда, 33,8 миллиард доллардан ортиқ қийматга эга экани айтилмоқда.
“Zamin”ни Telegram'да ўқинг!
