Агар Bitcoin нархи 70 000 долларлик қўллаб-қувватлаш даражасини сақлаб қола олмаса, у феврал ойидаги йиллик энг паст кўрсаткичлар сари шўнғиши мумкин. МН Традинг Капитал асосчиси Майкл ван де Поппе ўзининг Х ижтимоий тармоғидаги саҳифасида Bitcoin ҳозирда ҳал қилувчи нуқтада турганини ва агар бу даража бой берилса, нарх 65 000 доллардан пастга тушишини таъкидлади. Бу ҳақда Cointelegraph.com хабар беради.
КоинМаркетКап маълумотларига кўра, Bitcoin (БТК) феврал ойи бошида 60 000 долларлик йиллик минимумга етган эди. Шундан сўнг актив тикланиб, 73 873 долларгача кўтарилди. Ҳозирда бозор иштирокчилари ўртасида февралдаги кўрсаткич сиклнинг энг қуйи нуқтаси бўлганми ёки нарх яна пастга қараб ҳаракатланадими деган масалада баҳслар давом этмоқда.
Тажрибали трейдер Петер Брандт март ойида берган прогнозида 60 000 доллар жорий йилнинг энг паст нуқтаси бўлмаслиги мумкинлигини айтган эди. Унинг фикрича, Bitcoin сентябрь ёки октябрь ойларида ушбу даражани қайта синовдан ўтказиши ёки ундан ҳам пастроққа тушиши мумкин. Бироқ, иқтисодчи Тимотй Петерсон ёз давомида нархлар бироз кўтарилиб, июльнинг охирги ҳафтасида ўзининг чўққисига чиқишини тахмин қилмоқда.
Майкл ван де Поппе агар 71 000 долларлик ҳудуд таянч нуқтаси бўлиб хизмат қилса, Bitcoin 76 600 долларгача ўсиши ва бу бутун крипто бозорида, айниқса Алткоинълар учун ижобий тенденцияни бошлаб бериши мумкинлигини қайд этди. Унинг сўзларига кўра, бу ҳолатда янги рекордлар узоқ куттирмайди.
Шу билан бирга, Сантимент Intelligence таҳлилий фирмаси Bitcoin ЭТФъларидан маблағларнинг чиқиб кетиши бозорнинг туб нуқтасига яқинлашаётганидан далолат бериши мумкинлигини билдирди. 15-майдан буён спот Bitcoin ЭТФъларидан жами 2,97 миллиард доллардан ортиқ маблағ олиб чиқилган бўлиб, умумий активлар қиймати 104,29 миллиард доллардан 94,17 миллиард долларгача камайган.
“Zamin”ни Telegram'да ўқинг!
