Тожикистон президенти Эмомали Раҳмон Ўзбекистонга келди

Шавкат Мирзиёевнинг таклифига биноан Тожикистон президенти Эмомали Раҳмон 2 июнь куни расмий ташриф билан Ўзбекистонга келди. Бу ҳақда давлат раҳбарининг матбуот хизмати хабар берди.

Тошкент халқаро аэропортида уни президент Шавкат Мирзиёев кутиб олган. Етакчилар ўртасида қисқа суҳбат бўлиб ўтган.

^{Фото: Президент матбуот хизмати}

^{Фото: Президент матбуот хизмати}
Сўнг Тожикистон президенти «Янги Ўзбекистон» боғига ташриф буюриб, Мустақиллик монументи пойига гул қўйган. Меҳмонга мажмуанинг мазмун-моҳияти ва меъморий хусусиятлари ҳақида сўзлаб берилган.

^{Фото: Президент матбуот хизмати}

^{Фото: Президент матбуот хизмати}
Эслатиб ўтамиз, Шавкат Мирзиёев ва Эмомали Раҳмон сўнгги марта 4 май куни телефон орқали мулоқот қилган эди. Ўшанда давлат раҳбари Тожикистон президентини қулай вақтда Ўзбекистонга расмий ташриф билан келишга таклиф қилган.

Тошкент шаҳар Янгиликлар