Тошкент вилоятида 2 гектар ерни 140 минг долларга сотмоқчи бўлган шахслар ушланди

^{Фото: Тошкент вилояти Ички ишлар бош бошқармаси}
Тошкент вилояти Нурафшон шаҳрида ноқонуний ер олди-сотдисига чек қўйилди. Бу ҳақда вилоят Ички ишлар бош бошқармаси хабар қилди.

Маълум бўлишича, Тошкент вилояти Нурафшон шаҳрида яшовчи А.З. ва Д.Т. (1976 йилда туғилган) исмли шахслар Оҳангарон тумани ҳудудида жойлашган 1,87 гектар бўш ер майдонини харидорга ҳеч қандай ҳужжатсиз (ноқонуний равишда) 140 минг долларга сотмоқчи бўлган. Улар олдиндан аванс сифатида 10 минг доллар миқдоридаги пулни талаб қилиб, ернинг кадастр ҳужжатларини кейинчалик тўғрилаб бериши ваъда қилган.

Ўтказилган тезкор тадбирда улар 10 минг долларни пора тариқасида олган вақтида қўлга олинган.

Ҳолат юзасидан ушланган шахслар ва уларга нисбатан тўпланган ҳужжатлар Нурафшон шаҳар ИИБга топширилган. Ҳозирда тергов ҳаракатлари олиб борилмоқда. «Замин» янгиликларини «Вконтакти»да кузатиб боринг