Хоразм вилоятида эркак собиқ хотини ва қайнонасини пичоқлади, дея хабар бермоқда Олий суд матбуот хизмати.
Россияга 2020 йил ишлашга кетган Ш.И. (аёл) ва Ўзбекистонда қолган унинг эри А.Ж. ўртасида келишмовчилик чиқади.
Суднинг 2021 йил 25 мартдаги қарорига асосан А.Ж. ва хотини хонқалик Ш.И. ўртасидаги никоҳ бекор қилинган. Можаро тарафларнинг ажрашувидан сўнг ҳам давом этган. Бунга ўртадаги 2 нафар фарзанднинг тарбияси отадан онага олиб берилгани сабаб бўлган. У.Ж.га ҳафтанинг муайян кунлари фарзандлари билан учрашиб туриш ҳуқуқи берилган.
Болаларнинг она уйидаги тарбияси отани қаноатлантирмаган. У ўз фарзандларини бир неча бор юз-кўзлари кўкарган ва лат еган аҳволда учратган. Бундай ҳолат 2021 йилнинг 3 июль куни ҳам содир бўлган.
Бундан ранжиган ота орани очиқ қилишга қарор қилган. У ярим тунда собиқ хотинининг олдига отланган. У ҳовлининг пастқам деворидан ошиб ўтиб, сўрида ухлаётган собиқ қайнонаси Н.Б. ва собиқ хотини Ш.И.га кетма-кет пичоқ санчган. Шовқин-суронни эшитган қўшнилар ёрдамга етиб келишганда А. аллақачон воқеа жойидан қочиб кетган.
Ш. воқеа жойида вафот этган. Н.Б. шифохонага ётқизилган. Суд А.Ж.га нисбатан 18 йилга озодликдан маҳрум қилиш жазосини тайинлади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
D витамини дозасини ошириб юборишнинг хавфли оқибатлари
Жиззахда учта юк машинаси иштирокида ЙТҲ содир бўлди
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Украина президенти маҳбусларни сафарбар қилиш тўғрисидаги қонунни имзолади
Сурхондарё вилоятида айиқ ИИБ ходимига жароҳат етказди
“Рома” Шомуродов учун яна 8 миллион евро харажат қилади!
Колумбия президенти Нетаньяхуни ҳибсга олишга чақирди
Германияда сиёсатчи нацистлар шиори учун жаримага тортилди