Тошкент вилоятида эр боғча болалари кўз ўнгида хотинини бўғиб, калтаклади

^{Видеодан кадр}
Ижтимоий тармоқларда Тошкент вилояти Қуйи Чирчиқ туманида эр рашк сабаб хотини ишлайдиган хусусий боғчага бориб, болалар кўз ўнгида уни ургани акс этган видео тарқалди.

Интернетда тарқалган видеода эр болалар кўз ўнгида аёлини бўғиб, калтаклагани, болалар воқеадан қўрқиб кетиб йиғлаганини кўриш мумкин.

Мактабгача таълим вазирлиги хабарига кўра, жорий йил 25 август куни соат тахминан 17:00 ва 18:00 лар оралиғида Қуйи Чирчиқ туманидаги «Ласточка» номли оилавий нодавлат мактабгача таълим ташкилотига умуман алоқадор эмас шахсларнинг жанжали болалар кўз ўнгида содир бўлган.

Маълум қилинишича, ушбу эр-хотининг тортишуви аввалига кўчада бошланган, сўнг эрининг калтагидан қочган аёл кўзи тушган дарвоза томон кириб яширинмоқчи бўлган. Эр хотинининг кетидан кириб келган, жанжал ҳолати НМТТ ичида давом этган.

Дўппосланган аёл НМТТда ишламаган. Айни дамда ушбу ҳолат юзасидан ҳуқуқни муҳофаза қилиш органлари тергов ишларини амалга оширмоқда.

Тошкент вилояти Янгиликлар