Фото: Dunyo
Шанҳай ҳамкорлик ташкилоти саммити доирасида Ўзбекистон Туризм ва маданий мерос вазирлиги ва Хитойнинг инжиниринг бўйича CАМCЕ корпорацияси ўртасида ҳамкорлик меморандуми имзоланди.
Меморандумда Ўзбекистонда инвестицион қурилиш лойиҳаларини амалга ошириш ва дор йўлларини эксплуатация қилиш бўйича ҳамкорлик ўрнатиш, битим доирасида инвестицион лойиҳаларни оммалаштириш учун экспертларни жалб қилиш, дор йўлларини қуришга мўлжалланган жойларни танлаш ҳамда ҳамкорлик техник ва молиявий даражадаги тафсилотларини аниқлаштириш учун мутахассислар гуруҳини юбориш ҳамда дор йўлларини эксплуатация қилиш ва бошқариш бўйича ўқув курслари ташкил этиш кўзда тутилган.
Битимни тайёрлаш доирасида CАМCЕ корпорацияси вакиллари ҳудуд инфратузилма шароитларини ўрганиш учун Бўстонлиқ туманида бўлди. Сафар давомида Хитой корпорацияси делегацияси «Чорвоқ» дирекцияси инвестицион лойиҳалари билан танишди.
Хитойнинг CАМCЕ корпорацияси очиқ акционерлик жамияти бўлиб, ХХР марказий ҳукумати бошқарувидаги давлат корхонаси ҳисобланадиган Хитой миллий машинасозлик корпорацияси (SINOMACH) таркибига киради.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
