Хоразмда 3 минг долларни сўмга айирбошлаётган «валютчик» ушланди

^{Фото: Иқтисодий жиноятларга қарши курашиш департаменти}
Хоразм вилояти Шовот туманида чет эл валютасини ноқонуний муомалага киритилишининг олди олинди. Бу ҳақда Иқтисодий жиноятларга қарши курашиш департаменти хабар қилди.

Қайд этилишича, Бош прокуратура ҳузуридаги департаментнинг Шовот туман бўлими томонидан тезкор тадбир ўтказилган. Унда тумандаги Нажмиддин Кубро кўчасида валюта айирбошлаш билан шуғулланиб келган Т.П. фуқаро А.га жами 3 000 долларни 32,8 миллион сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда. “Замин” янгиликларини “Telegram”да кузатиб боринг