Фото: Dunyo
Ўзбекистоннинг Бирлашган Араб Амирликларидаги дипломатик ваколатхоналари томонидан БААнинг Facetime Management Service (FMS) компанияси раҳбари, Швейцария бизнес кенгаши аъзоси Надин Патрик Кудиннинг Тошкент ва Самарқанд шаҳарларига ташрифи уюштирилди, деб хабар қилмоқда “Дунё”.
Ташрифдан кўзланган мақсад Ўзбекистонда туризм соҳасида кадрлар тайёрлашда Швейцария таълим тизими асосида ҳамкорлик қилиш, “Ишга марҳамат” мономарказлари фаолияти билан яқиндан танишиш ҳамда компания билан ҳамкорлик қилувчи Яқин Шарқ, Маврикий, Сейшел ва Мальдив оролларидаги меҳмонхоналарга озиқ-овқат маҳсулотларини экспорт қилиш масалаларини муҳокама қилишдан иборат бўлди.
Музокаралар чоғида “Ипак йўли” университети ва Швейцария таълим академияси ўртасида ҳамкорликни йўлга қўйиш, Швейцарияда сертификациядан ўтган қўшма дастурларни жорий қилиш, хорижлик мутахассисларнинг туризм техникумлари ўқитувчиларини тайёрлаш учун Ўзбекистонга жалб қилиш, талабалар амалиётини хорижда ташкил қилиш, мономарказларда касбга тайёрлаш жараёнлари самарадорлигини ошириш борасида биргаликда ишлашга қаратилган таклифлар муҳокама этилди.
Жорий йил 30 ноябрь-2 декабрь кунлари ўтказиладиган Тошкент халқаро туризм ярмаркаси доирасида ҳамкорликка оид ҳужжатларни имзолашга келишиб олинди.
FMS компанияси 1999 йилдан буён БААда фаолият кўрсатиб, меҳмонхоналарга инвесторларни жалб қилиш, меҳмонхоналар қурилишида консалтинг хизматларини кўрсатиш, ресторанларда илғор хизмат кўрсатиш тизимларини жорий қилиш, замонавий тажриба марказларини яратиб, улар битирувчиларини иш билан таъминлаш масалалари билан шуғулланади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Пневматик қуролларни ўз ихтиёри билан топширганлар жавобгарликдан озод этилади
Жиззахда учта юк машинаси иштирокида ЙТҲ содир бўлди
“Рома” Шомуродов учун яна 8 миллион евро харажат қилади!
Ўзбекистон собиқ бош прокурорининг қидирувдаги ўғли Дубайда 7,9 млн долларлик кўчмас мулкка эгалик қилади
“Умра” зиёратига бориб келиш тартиби такомиллаштирилади
Ўзбекистонликлар доимий яшаш учун кўпроқ қайси давлатларга кўчиб кетмоқда?
Шимолий Корея янги кўрсаткичларга эга баллистик ракетани синовдан ўтказди