582
Ўзбекистоннинг яна бир хусусий авиакомпаниясининг илк икки самолёти Тошкент халқаро аэропортига келиб қўнди. Бу ҳақда Uzbekistan Airports хабар берди.
Тошкент халқаро аэропортига 18 январь куни маҳаллий вақт билан 19:07 ва 19:18 да янги миллий авиакомпания — Centrum Air`нинг иккита самолёти келиб қўнди.
Иккита Airbus А320−232 авиаташувчининг биринчи йўловчи самолёти бўлди. Яқин келажакда авиаташувчи яна бир йўловчи борти “Boeing 737”ни сотиб олишни режалаштирмоқда.
Маълумот учун, “Centrum Air” ўзини лоукостер сифатида таништирган бўлиб, арзон ички ва ташқи ташувларни амалга ошириш ҳамда рақобатбардош сифатга эришишни мақсад қилган.
Эслатиб ўтамиз, ўтган йилнинг декабрь ойида Ўзбекистоннинг “Panorama Airways” хусусий авиакомпанияси ўзининг илк тижорий рейсни амалга оширган эди. Airbus A320 ҳаво кемаси “Тошкент-Урганч-Тошкент” йўналиши бўйича 144 нафар йўловчи билан илк парвозини амалга оширган.
Ўзбекистоннинг АвиакомпаниясиТошкент Халқаро АэропортиCentrum AirAirbus A320ЛоукостерТашувлар Янгиликлар
«Замин»ни Telegram’да ўқинг! 
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
10:23, 27-04-2025
