Фото: Dunyo
Ташқи меҳнат миграцияси агентлиги ва Буюк Британиянинг Pro-Force рекрутинг компанияси ўртасида ҳамкорлик натижасида 24 кишидан иборат ўзбекистонлик меҳнат мигрантлари Британиядаги қишлоқ хўжалигига ихтисослашган фермаларда мавсумий ишлаш учун етиб келди, деб хабар бермоқда "Дунё".
Мазкур лойиҳа доирасида 2023 йил мобайнида Ўзбекистондан 1,5 минг нафар ишчи кучини жалб этиш кўзда тутилган. 2022 йилда 2 минг нафарга яқин ўзбекистонлик ушбу мамлакатда мавсумий ишларга жалб этилган.
Лойиҳадан кўзланган асосий мақсад Британия ҳукумати томонидан мавсумий хорижий меҳнат мигрантлари учун ажратилган 40 мингдан ортиқ квота доирасида Ўзбекистондан ишчи кучини жалб этиш ҳамда мамлакат меҳнат миграцияси имкониятларидан фойдаланишдир.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
