Тадбиркорлик фаолияти билан шуғилланишга кенг имкониятлар яратилиб, тадбиркорларни ҳар томонлама қўллаб-қувватлаш мақсадида имтиёзли кредитлар ажратилиши йўлга қўйилган.
Айниқса, маҳаллий хом ашёдан ишлаб чиқаришни йўлга қўймоқчи бўлган тадбиркорларга биринчи навбатда кредитлар ажратилмоқда.
Бироқ, ҳамма вақт ҳам ўйланган режа иш бермаслиги мумкин, буни тадбиркорларимиз ҳам яхши тушунади. Лекин, банкдан олинган кредитларни қайтаришга тўғри келади.
Банклар фойдасига ҳал қилинган ҳужжатлар ижросини таъминлаш борасида Бюро органлари томонидан муайян ишлар қилинмоқда.
Жумладан, Қоракўл иқтисодий судининг 04.10.2021 йилдаги ижро ҳужжатига асосан, қарздор “Ўзбекистон” хусусий корхонаси ҳисобидан “Агробанк” АТБ Бухоро вилоят Олот филиали фойдасига муддати ўтмаган кредит асосий қарзи 276.060.000 сўм, муддати ўтган кредит қарздорлиги 18.065.000 сўм, фоиз қарздорлиги 13.775.000 сўм, жами 307.900.000 сўм кредит қарздорлиги ва олдиндан тўланган 19.600 сўм почта харажатини ундириш тўғрисидаги ижро ҳужжати Бюронинг Олот туман бўлими иш юритувига 06.10.2021 йилда келиб тушган ва ижро ҳаракатларига киришилган.
Олиб борилган ижро ҳаракатлари давомида “Ўзбекистон” хусусий корхонасига тегишли ғишт ишлаб чиқариш ускунаси тегишли тартибда хатланиб, савдога чиқариш учун баҳоланган ҳамда “E-auksion” электрон савдо майдончаси орқали савдога чиқарилган.
Лекин, бир неча бор бўлиб ўтган электрон савдоларда ғишт ишлаб чиқариш ускунаси сотилмаган. Ундирувчи “Агробанк” Олот филиалига қарз эвазига ускунани олиш таклиф қилинганда, банк таклифни рад этган.
Бўлим давлат ижрочилари томонидан олиб борилган мажбурий ижро ҳаракатлари давомида жами 307.900.000 сўм кредит қарздорлиги ва олдиндан тўланган 19.600 сўм почта харажати ва 6.158.000 сўм ижро йиғими ундирилиши таъминланиб, 03.03.2023 йилда ижро иши амалда тамомланди.
“Замин” янгиликларини “Telegram”да кузатиб боринг
