Фарғона вилояти Риштон туманида жойлашган марказий истироҳат боғидаги аттракциондан 17 ёшли қиз тушиб кетгани ҳақида хабар берилганди. Ҳозирда қизнинг соғлиғи қандайлиги ҳақида маълумот берилди.
2005 йилда туғилган Н.О. 23 март куни туман марказий истироҳат боғидаги “Пирацкий корабл” номли аттракционда учаётиб, эҳтиётсизлик оқибатида тушиб кетиб, тан жароҳати олган ҳамда шу куни соат 11:00 да туман тиббиёт бирлашмасининг қабул бўлимига олиб келинган.
Текширув натижалари бош мия эписхети, бош мияга оз миқдорда қон қуйилиш, иккинчи бўйин умуртқасининг танасида синиш, қовурғаларида синиқ аниқланган. Ўпкадан лат ейиш билан бўлимга ётқизилган. Ҳозирги кунда ҳолати оғир-стабил.
Шунингдек, аттракцион ходими бўлган воқеа ҳақида айтиб бериб, қизга хавфсизлик қоидалари дастлаб тушунтирилганини таъкидлади.
“У қиз бир ўзи шу жойда учган. Аттракцион тўхтаётганда эҳтиётсизлик оқибатида тиркамани очиб юборган. Тиркамалар ўз-оъзидан очилмайди. Бу қизга ҳам ўша куни тушунтирдик. Ўтириб олган ҳолатда учишини, тўхтамасидан тушмаслигини айтдик”, — дейди ходим.
“Замин” янгиликларини “Telegram”да кузатиб боринг
