«Tutukon Neo» препарати керакли талабларни бузган ҳолда ишлаб чиқарилгани аниқланган. Мазкур дори воситаси буйраклар яллиғланиш касалликларида қўлланади.
«Дори-дармон» акциядорлик компанияси «Tutukon Neo ичиш учун эритма 250 мл» дори препаратидан огоҳ бўлишга чақирди.
Испаниядаги Дори воситалари ва тиббий буюмлар агентлиги (AEMPS) қарорига биноан, Испаниянинг Labaratorio Miquel Y Garriga Inc, S.L. корхонаси томонидан ишлаб чиқарилган «Tutukon Neo ичиш учун эритма 250 мл» (флаконларда) дори препарати «Зарур ишлаб чиқариш амалиёти (GMP)» талаблари бузилган ҳолда ишлаб чиқарилгани аниқланган.
Шунга кўра, Соғлиқни сақлаш вазирлиги ҳузуридаги Дори воситалари, тиббий буюмлар ва тиббий техника экспертизаси ва стандартлаштириш давлат маркази «Tutukon Neo» дори воситасининг Ўзбекистон ҳудудига кириб келган қуйидаги: R-049, R-050, R-051, R-078, R-080, R-222, R-236, R-081, R-124, R-204, R-205, R-206, R-218, R-219, R-220, R-221, R-223, R-224, R-225 сериялари фармацевтика бозоридан муомаладан қайтариб олинаётганини маълум қилди.
Мазкур дори воситаси буйраклар яллиғланиш касалликларида қўлланади.
“Замин” янгиликларини “Telegram”да кузатиб боринг
