Кеча Индонезия вице-президенти Маъруф Амин Тошкентга келди, деб хабар бермоқда «Дунё».
Ислом Каримов номидаги Тошкент халқаро аэропортида олий мартабали меҳмонни бош вазир ўринбосари Жамшид Хўжаев, ТИВ раҳбари ўринбосари Баҳром Аълоев ва бошқа расмий шахслар кутиб олди.
Индонезия делегацияси таркибидан юзга яқин вазирликлар, идоралар, оммавий ахборот воситалари вакиллари, шунингдек, тадбиркорлар ўрин олган. Беш кунлик ташриф давомида Индонезия делегацияси Ўзбекистон ҳукумати, вазирлик ва идораларида икки томонлама учрашув ҳамда музокаралар ўтказади, уларда икки томонлама ҳамкорликни ривожлантириш истиқболларини муҳокама қилинади.
Бундан ташқари, Индонезия делегацияси Самарқандга ташриф буюриб, у ерда Silk Road Samarkand сайёҳлик мажмуаси билан яқиндан танишади, вилоят ва шаҳар раҳбарияти билан музокаралар ўтказади.
“Замин” янгиликларини “Telegram”да кузатиб боринг
