Бош прокуратура ҳузуридаги Департаментнинг Навоий вилоят бошқармаси томонидан ўтказилган терговга қадар текширувда “X.M.» фермер хўжалиги масъул шахслари “Зарбдор” МФЙдаги ер майдонида ўрнатилган сув насосни ҳеч қандай ҳужжатсиз умумий фойдаланишдаги электр тармоғига ўғрилик йўли билан улаб, жами 109,1 млн сўмлик электр энергиясидан ноқонуний фойдаланиб келганликлари аниқлаган.
Шу каби, Департаментнинг Тойлоқ туман бўлими томонидан “Oʼzenergoinspeksiya” Самарқанд вилоят ҳудудий бўлими ходимлари билан ҳамкорликда ўтказилган терговга қадар текширувларда “G.В.» фермер хўжалиги масъул шахслари ҳамда ЯТТ Б.Ш. сув насоси, ёритгич ва савдо дўкони биносини ҳеч қандай ҳужжатсиз умумий фойдаланишдаги электр тармоғига ўғрилик йўли билан улаб, жами 92,2 млн сўмлик электр энергиясидан ноқонуний фойдаланиб келганликлари аниқлаган.
Департаментнинг Янги Наманган туман бўлими томонидан ўтказилган терговга қадар текширувда эса, “Б.Р.» МЧЖ раҳбари Б.А. ишлаб чиқариш цехини умумий фойдаланишдаги электр тармоғига ўғрилик йўли билан улаб, жами 31,7 млн сўмлик электр энергиясидан ноқонуний фойдаланганлиги, шунингдек туман ЭТК собиқ муҳандиси Б.А. ва инспектори Ж.А. ушбу цехга электр ҳисоблагич ўрнатиб бериш эвазига МЧЖ раҳбари Б.А.нинг 300 АҚШ доллари ҳамда 1,1 млн сўмини фирибгарлик йўли билан қўлга киритганликлари аниқланган.
Мазкур ҳолатлар юзасидан Жиноят кодексининг 169-моддаси (ўғрилик) ва 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
