375
Ўзбекистон Республикаси Вазирлар Маҳкамасининг “Бозорлар ва савдо комплекслари фаолиятини тартибга солишга доир қўшимча чора-тадбирлар тўғрисида”ги Қарорига кўра, савдо мажмуалари ва бозорларда белгилангандан ташқари қўшимча савдо жойларини ташкил этиш, шунингдек контейнерлар, автомашиналардан озиқ-овқат маҳсулотларини сотиш тақиқланади.
Фуқаро Д.А. ҳам Бўстон туманидаги “Деҳқон бозори”нинг кириш қисмига ноқонуний савдо дўкони қуриб, 4 йилдан зиёдроқ вақт давомида савдо-сотиқ билан шуғулланиб келган. Шу сабабли, Бўстон туман ҳокимлиги ушбу жойдаги ноқонуний қурилмани буздирилишини суд орқали сўраган.
Фуқаролик ишлари бўйича Бўстон туманлараро судининг ижро варақасида Бўстон тумани “Деҳқон бозори” кириш қисмига қурилган 30 кв.метр ер майдонидаги жавобгарга тегишли бўлган қурилмалар буздирилиши ва бўшатилган ер майдони туман ҳокимлиги ихтиёрига қайтарилиши кўрсатилган.
Бюронинг Бўстон туман бўлими томонидан қарздор Д.А. огоҳлантирилган бўлиб, ноқонуний қурилма ихтиёрий равишда бузилмагани сабаб, мажбурий ижро ҳаракатлари олиб борилди буздирилиши таъминланди.
Бозорларда савдо қилиш қоидасига амал қилиш, ҳужжатлари расмийлаштирилган жойларда савдо қилиш юқоридаги каби кўнгилсиз ҳолатларга тушишнинг олдини олади.
Бюронинг Бўстон туман бўлими
давлат ижрочиси Дилшодбек Ҳайдаров
«Замин»ни Telegram’да ўқинг!
17:32, 13-04-2025
