Ўқувчиларни касб-ҳунарга ўргатувчи мактаблар рўйхати шакллантирилди

^{Фото: Мактабгача ва мактаб таълими вазирлиги}

Янги ўқув йилида Ўзбекистоннинг 208 та умумий ўрта таълим муассасасида бу амалиёт йўлга қўйилади.

2023-2024 ўқув йилидан бошлаб, умумий ўрта таълим мактаби ўқувчилари битта касб-ҳунарга ўргатилади.

Мактабгача ва мактаб таълими вазирлиги буйруғи билан ўқувчиларга ўргатиладиган битта касб-ҳунар тури ва улар амалиёти йўлга қўйиладиган 208 та умумий ўрта таълим муассасаси рўйхати шакллантирилди.

Танлаб олинган мактабларда ўқувчилар қизиқишидан келиб чиқиб, қуйидаги 3 йўналишдан бири бўйича касб-ҳунар ўргатилади:

ишчи касблар (ҳудуднинг ижтимоий-иқтисодий хусусиятидан келиб чиқиб, тадбиркор ва ҳунармандлар жалб қилинган ҳолда 64 турда);
тадбиркорлик (21 турдаги ишлаб чиқариш ва хизмат кўрсатиш соҳалари бўйича);
замонавий касблар (10 дан ортиқ ахборот технологиялари ва креатив индустрия йўналиши бўйича).

2023-2024 ўқув йилида 17 минг нафардан ортиқ ўқувчига касб-ҳунар ўргатиш режалаштирилган.

Янгиликлар