Фуқаролик ишлари бўйича Қўнғирот туманлараро судининг 20.01.2017 йилдаги ижро ҳужжатига асосан ундирувчи Б.Ибраимованинг фойдасига тарбиясидаги бир нафар фарзандининг таъминоти учун қарздор Р.Утарбаевнинг ҳар ойдаги жами даромадининг 1/4 қисми миқдорида алимент ундириш белгиланган.
Мазкур ижро ҳужжати Мажбурий ижро бюроси Қўнғирот туман бўлими иш юритувига келиб тушган ва бўлим давлат ижрочилари томонидан ижро ҳаракатларига киришилган.
Ижро ҳаракатлари давомида, бўлим давлат ижрочиси томонидан Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги қонуннинг 421-моддасига асосан, қарздор Р.Утарбаевнинг Ўзбекистон Республикадан ташқарига чиқиш ҳуқуқига нисбатан 20.07.2023 йили чеклов ўрнатилган.
Шунинг оқибатида қарздор жорий йилнинг октябр ойида Бюронинг Қўнғирот туман бўлимига келиб, Ўзбекистон Республикадан ташқарига чиқишга зарурати борлигини билдирган.
Шунда, бўлим давлат ижрочиси томонидан Ўзбекистон Республикаси Вазирлар Маҳкамасининг 2018 йил 6 октябрь кунги 808-сонли қарори билан тасдиқланган “Алиментларни олдиндан тўлаш, шунингдек, алимент тўлаш мажбуриятини таъминлаш бўйича гаров шартномасини тузиш тартиби тўғрисида”ги Низом талаблари ҳақида тушунтириш ишлари олиб борилган.
Шунда қарздор ота Фуқаролик ишлари бўйича Қўнғирот туман судига ариза билан мурожаат қилиб, Ўзбекистон Республикаси Вазирлар Маҳкамасининг 2018 йил 6 октябрь кунги 808-сонли қарори асосан ўзи томонидан келгусида тўланиши лозим бўлган 5 йиллик алимент пулларини олдиндан тўлаш истагини билдирган.
Шу муносабат билан, Фуқаролик ишлари бўйича Қўнғирот туман суди томонидан 20.12.2023 йили қарздор отага 5 йиллик алимент пулларини олдиндан тўлашга рухсат берилган ва қарздор томонидан жами 110 млн. 506 минг сўм алимент пуллари тўлаб берилган ва Бюронинг Қўнғирот бўлими томонидан қарздорнинг Ўзбекистон Республикасидан чиқиш ҳуқуқига нисбатан чеклов вақтинчалик бекор қилинган.
“Замин” янгиликларини “Telegram”да кузатиб боринг
