Ўзбошимчалик билан қурилган зинапоя буздирилди

Мажбурий ижро бюроси Тупроққалъа тумани бўлими иш юритувидаги фуқаролик ишлари бўйича Боғот туманлараро судининг жавобгар А.Қутумов томонидан Тупроққалъа тумани, “Саяпир” маҳалласида ноқонуний равишда, тегишли ташкилотларнинг рухсатисиз, ўзбошимчалик билан 36,0 кв.метр ер майдонида қурилган нотурар жой биносига кирувчи бетон зинапоя жавобгар ҳисобидан бузиб ташлаш ва ер майдонини олдинги ҳолатига келтириш тўғрисидаги ижро ҳужжатига асосан давлат ижрочиси томонидан қарздорга нисбатан қўзғатилган ижро ҳужжати бўйича тегишли тартибда суд ҳужжати талабини бажариш учун қарздор ёзма ва оғзаки равишда бир неча маротаба огоҳлантирилиб, ихтиёрий муддат берилган.

Бироқ, ижро ҳужжати бўйича жавобгар суд қарорида кўрсатилган талабларни белгиланган муддат давомида ўз ихтиёри билан бажармаганлиги сабабли, давлат ижрочиси томонидан олиб борилган мажбурий ижро ҳаракатлари давомида ушбу ноқонуний равишда 36,0 кв.метр ер майдонида қурилган нотурар жой биносига кирувчи бетон зинапоя бузиб ташланиб, ер майдони олдинги ҳолатига келтирилди. «Замин»ни Telegram’да ўқинг!