Синоптиклар мартда кутилаётган об-ҳаво тўғрисида маълумот берди

Жаҳон прогнозлаш марказларининг дастлабки ҳисоб-китобларига кўра, март ойи нисбатан салқин бўлиши тахмин қилинмоқда.

“Ўзгидромет” хабарига кўра, март ойида ўртача ойлик ҳаво ҳарорати меъёрдан 1-2 даражага паст, баъзи жойларда меъёр атрофида бўлиб, +4...+9 даражани, жанубда +10...+11 даражани ташкил этади.

Ой давомида ҳарорат кечалари 0...-5 даражадан +5...+10 даражагача, кундуз кунлари +5...+10 даражадан +17...+22 даражагача, жанубда +20...+25 даражагача кескин ўзгариб туриши прогноз қилинмоқда.

Республика ҳудудининг катта қисмида ойлик ёғингарчилик миқдори меъёр атрофида, баъзи жойларда ундан кўп бўлиши кутилмоқда. «Замин»ни Telegram’да ўқинг!