Қашқадарёда фуқаро ёввойи ҳайвон паррандаларини нобуд қилганини айтди

^{Фото: “Ҳисор” давлат қўриқхонаси}
Қашқадарё вилояти Шаҳрисабз туманида фуқаро номаълум ёввойи ҳайвон паррандаларини нобуд қилганини айтди. “Ҳисор” давлат қўриқхонаси ҳолат юзасидан маълумот берди.

Унга кўра, 4 март куни Қашқадарё вилояти Шаҳрисабз тумани “Қани” қишлоғида яшовчи фуқаро Н.З.нинг ҳовлисига номаълум ёввойи ҳайвон кириб, уй паррандаларини нобуд қилган ва товуқхонага қамалиб қолган.

Ҳолат юзасидан Шаҳрисабз туман экология бўлими, “Ҳисор” давлат қўриқхонаси, Шаҳрисабз туман ФВБ ходимлари ва Шаҳрисабз туман ободонлаштириш бўлимининг махсус гуруҳи томонидан тезкор чоралар кўрилди. Фуқаро хонадонига борилганда мазкур ёввойи ҳайвон ёввойи дала мушуги экани аниқланди.

Кўрилган чоралар натижасида ёввойи дала мушуги хонадондан олиб чиқилиб, хавфсизлик таъминланди ҳамда вақтинчалик сақлаш учун Шаҳрисабз туман ободонлаштириш бўлимининг махсус хонасига жойлаштирилди. Ҳозирда ёёвойи дала мушугинини ўзи яшайдиган ёввойи табиат қўйнига қайтариш чоралари кўрилмоқда. “Замин” янгиликларини “Telegram”да кузатиб боринг