“2024-2025 ўқув йилида олий ва профессионал таълим муассасаларига ўқишга кириш учун абитуриентларни онлайн рўйхатга олиш бошланди. Абитуриентларни онлайн рўйхатга олиш my.uzbmb.uz сайтининг “Олий ва профессионал таълим муассасаларига қабул” бўлими орқали амалга оширилмоқда.
Рўйхатга олиш 2024 йил 5 июндан 25 июнга қадар (шу куни ҳам) амалга оширилади”, деб хабар берди Олий таълим, фан ва инновациялар вазирлиги.
Рўйхатдан ўтиш қандай тартибда бўлади?
Абитуриент рўйхатдан ўтиш ойнасига паспорт серияси ва рақами, шахсий идентификация рақами, телефон рақами ва парол киритади. У шахсга доир маълумотлардан фойдаланишга розилик бергач, маълумотлари тасдиқланади.
Маълумотлари тасдиқлангач, қабул бўлимига киради. Абитуриентнинг яшаш манзили автоматик тасдиқланади, агар тасдиқланмаса, абитуриент бу маълумотларни ўзи киритади. Сўнг ўзи тугатган мактабни танлайди. 2024 йилда мактабни тугатган абитуриентлар бу маълумотни киритиши шарт эмас, сабаби уларнинг маълумотлари автоматик киритилади. Абитуриент ўзи эга бўлган сертификатларни ҳам киритиши керак бўлади.
Бундан ташқари, абитуриент бирор турдаги имтиёзга эга бўлса, бу маълумотлар тегишли вазирлик томонидан автоматик киритилади. Агар ҳужжат топширишда тегишли имтиёз кўринмаса, унда имтиёзни берувчи вазирликка мурожаат қилиши керак.
Ҳужжат топширишнинг биринчи босқичида тест топшириш ҳудуди, тил ва алифбо, фанлар мажмуаси танланади.
Алоҳида иқтидор талаб қиладиган йўналишга ҳужжат топширувчи абитуриент имтиҳон топширадиган ОТМни ҳам танлаши керак.
Ҳамма маълумот киритилгач, абитуриент учун қайд варақаси шаклланади.
Эслатма: абитуриент рўйхатдан ўтиш тугагунга қадар (25 июнгача) ўзи киритган маълумотларни таҳрирлаши ва тўловни амалга ошириши мумкин.
Жорий йилда ўрта таълимни тугатган абитуриентлар тўловдан озод қилинган.
Бундан ташқари, ногиронлиги бўлган шахслар, меҳрибонлик уйлари болалари, болалар шаҳарчасининг битирувчилари, “Ижтимоий ҳимоя ягона реестри” ахборот тизимида рўйхатга олинган шахслар ва уларнинг фарзандлари, “Ёшлар дафтари”да рўйхатда турувчи ёшлар кириш имтиҳонларида қатнашиш учун тўлов қилмайди.
2-босқичда рўйхатдан ўтиш қачон?
Кириш имтиҳонлари тўла якунлангандан сўнг абитуриентлар 15 кун ичида ОТМ, таълим шакли ва танлов устуворлигини (аввал грант, сўнг контракт) танлаши мумкин бўлади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
