![Жиззахдаги боғда қўйиб юборилиши режалаштирилган 5 мингта шар йўқ қилинди](/uploads/posts/2024-06/xf5833966f9_zhgjb1avdmvviwtctv4it0zrl9-ya1-b.webp.pagespeed.ic.XlzQQTTT-E.webp)
Фото: Экология вазирлиги
Бундан бир неча кун аввал ижтимоий тармоқларда Жиззах вилоятидаги Наврўз боғида 5 мингта шар учирилиши ҳақида видео тарқалди. Экология, атроф-муҳитни муҳофаза қилиш ва иқлим ўзгариши вазирлиги ахборот хизматининг хабар беришича, шарлар йўқ қилинган.
Маълум қилинишича, Экология вазирлиги ва Миллий гвардия ходимларидан иборат ишчи гуруҳ воқеа жойида бўлиб, ҳолат юзасидан ўрганиш ишларини олиб борган. Ўрганиш давомида шарлар ёрилиб, яроқсиз ҳолатга келтирилган.
![](/uploads/posts/2024-06/xc76d95d9b6_ynuz4z-aqnwdejhjnvr8jdo4scnshik4.webp.pagespeed.ic.bjCJQqGWVE.webp)
“Таъкидлаш жоизки, вазирлик томонидан пластик ўйинчоқлар, шарларни учириш, табиатни ифлослантиришга, чиқиндилар билан тўлдиришга сабаб бўладиган бошқа шу каби тадбирлар доимий тарзда қоралаб келинмоқда”, дейилади хабарда.
Маълум бўлишича, аввалроқ Янги Ўзбекистон боғида 10 000 та пластик ўрдакчалар туширилмоқчи экани ҳақида хабарлар тарқалган. Вазирлик бу ҳолат юзасидан кескин муносабат билдирган ва бу тадбир бекор қилинган.
Маълумот учун, 2024 йил 29 июн куни Вазирлар Маҳкамасининг “Оммавий тадбирларни ўтказишда фуқаролар хавфсизлигини таъминлаш ва жамоат тартибини сақлаш бўйича талабларни кучайтириш тўғрисида”ги қарори қабул қилинди.
Унга кўра, оммавий тадбирларда фуқароларни реклама, акция ва бошқа мақсадларда озиқ-овқат, буюмлар ҳамда бошқа маҳсулотлар ва товар моддий бойликларини бепул тарқатиш ёки ҳаддан ташқари арзон нархларда сотиш орқали жалб қилиш тақиқланди.
“Экология вазирлиги бу каби ҳолатларга чек қўйиш мақсадида жамоатчилик назоратини кучайтириш тарафдори. Шунинг учун экологияга бефарқ бўлмаган юртдошларимизни пластик ўйинчоқлар, шарлар учириш каби тадбирларга йўл қўймаслик, бундай тадбирларда иштирок этмасликка чақирамиз”, дейилади вазирлик хабарида. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Зеленский Путин билан музокаралар ўтказиш сценарийсини ошкор қилди расм](/uploads/posts/2024-06/xae20cf4f55_photo_2024-06-30_23-00-20-x2tnnwai.webp.pagespeed.ic.trFqvyjuDA.webp)
Зеленский Путин билан музокаралар ўтказиш сценарийсини ошкор қилди
![Эрон Исроилни “қирғин уруши” бошланишидан огоҳлантирди расм](/uploads/posts/2024-06/x0c77a966a8_photo_2024-06-30_17-15-45-mniljc1m.webp.pagespeed.ic.yveIsIGDiP.webp)
Эрон Исроилни “қирғин уруши” бошланишидан огоҳлантирди
![Самвел Бабаян: "Навбаҳор"дан ҳеч қандай молиявий даъволарсиз кетяпман" расм](/uploads/posts/2024-06/xade2189f52_d0a1d0b0d0bcd0b2d0b5d0bb_d091d0b0d0b1d0b0d18fd0bd_d180d0b0d181d0bcd0b8_-_22.webp.pagespeed.ic.GMI-E-OU0G.webp)
Самвел Бабаян: "Навбаҳор"дан ҳеч қандай молиявий даъволарсиз кетяпман"
![Ҳар куни гречка истеъмол қилинса, организмда қандай ўзгаришлар содир бўлади? расм](/uploads/posts/2024-07/x43a1a4a648_6683a9c839159.webp.pagespeed.ic.EhUO7_L6wi.webp)
Ҳар куни гречка истеъмол қилинса, организмда қандай ўзгаришлар содир бўлади?
![Байден сайловларни тарк этадими? АҚШ раҳбари жавоб қайтарди расм](/uploads/posts/2024-06/xcd3c85a6df_01.webp.pagespeed.ic.ClUXylknJQ.webp)
Байден сайловларни тарк этадими? АҚШ раҳбари жавоб қайтарди
![Инсон қайси ёшда ўзини энг бахтсиз ҳис қилади? расм](/uploads/posts/2024-06/x014734cec7_01.webp.pagespeed.ic.VUvqU0bnes.webp)
Инсон қайси ёшда ўзини энг бахтсиз ҳис қилади?
![АҚШ ва Бразилияни тарихдаги энг йирик ўрмон ёнғинлари қамраб олди расм](/uploads/posts/2024-06/xb73ae0fd72_ormon-ac98rgek.webp.pagespeed.ic.GnHphWuJrY.webp)
АҚШ ва Бразилияни тарихдаги энг йирик ўрмон ёнғинлари қамраб олди
![Ҳайдовчиларга яна бир мажбурият юклайдиган ҳужжат лойиҳаси ишлаб чиқилди расм](/uploads/posts/2024-06/x2d5cc05a49_01.webp.pagespeed.ic._5N9K-WOO_.webp)
Ҳайдовчиларга яна бир мажбурият юклайдиган ҳужжат лойиҳаси ишлаб чиқилди