Икки мурғак қалб онаси билан уйга киритилди

Суд ҳужжатлари ва бошқа органлар ҳужжатларини ижро этишнинг янги босқичга кўтариш борасида муҳим қадамлар қўйилиб, Бюро органларининг асосий вазифаси ҳисобланган суд ҳужжатлари ва бошқа органлар ҳужжатларини ижро этишда инсон қадри тамойилга қатъий амал қилиниб, фуқароларнинг ҳуқуқлари тикланмоқда.

Бироқ, бюро органлари томонидан айрим тоифадаги ҳужжатлар ижросини таъминлаш ҳар доим ҳам осон кечавермайди. Мисол учун, уйга киритиш, уйдан чиқариш билан боғлиқ ҳужжатлар ана шулар жумласидандир.

Инсонлар орзу-умидлар билан оила қуриб, фарзандли бўлишади. Бироқ, шундай улуғ неъматга шукроналик келтириш, фарзандини комил инсон этиб тарбиялаш ота-онанинг бурчи эканлигини унутишади.

Ота-онанинг келишмовчилиги сабабли оилага путур етади. Ота эса ўз бурчини унутиб, оиласи ҳақида қайғурмади, уларни кўчада қолдирди.

Натижада эса, она ўзи ва фарзандининг ҳуқуқларини ҳимоя қилиш учун судга мурожаат этишга мажбур бўлди.

Фуқаролик ишлари бўйича Учқудуқ туман судининг ижро варақасига асосан ундирувчи Ш.Б қарздор Х.Б.га тегишли Кармана тумани “Боғишамол” маҳалласи Темир йўл кўчасида жойлашган хонадонга мажбурий тартибда киритиш тўғрисидаги ижро ҳужжатига асосан Бюронинг Кармана тумани бўлими ходимлари томонидан олиб борилган ижро ҳаракатлари давомида ундирувчи Ш.Б. икки нафар вояга етмаган фарзандлари билан уйга киритилиб, ижро иши ижроси таъминланди. “Замин” янгиликларини “Telegram”да кузатиб боринг