Ўзбекистонда ўқитувчиларнинг касбий малакасини ошириш тизимига нейротармоқлар бўйича курслар қўшилди

Авлоний номидаги ўқитувчиларнинг касбий малакасини ошириш ва уларни янги методлар асосида ўқитиш Миллий илмий-тадқиқот институти ва Yandex Uzbekistan Ўзбекистондаги информатика ўқитувчилари учун бепул курсларни* ишга туширди.

Бу курсларда ўқитувчилар нейротармоқлар ҳақида батафсил маълумот олишади, шунингдек, Пйтҳон дастурлаш тилининг асослари билан танишишади. Курслар назарий ва амалий машғулотларни қамраб олиб, Пйтҳонъни билмаган ҳолда материални ўзлаштириш ва дарҳол ўз ишларида қўллаш имкониятини яратади.

Курс материаллари Yandex мутахассислари томонидан ишлаб чиқилган бўлиб, курсларнинг ўзи А. Авлоний номидаги Миллий илмий-тадқиқот институти томонидан амалга оширилаётган касбий ривожланиш тизимининг бир қисмига айланади.

Курслар бепул бўлиб, уларда қатнашиш вақти чекланмаган, шунингдек, барча қўшимча материаллар иштирокчиларда доимий сақланади. Унда Пйтҳон бўйича асосий тушунчалардан тортиб, объектга йўналтирилган дастурлаш асосларигача бўлган мавзуларни ўз ичига олган олти бўлим тақдим этилган. Ўқитувчилар ўз иши учун энг долзарб мавзулар ва топшириқларни танлаш имконига эга бўладилар.

Курсларга рўйхатдан ўтиш учун ҳавола орқали қисқа анкетани тўлдириш лозим. Курслар онлайн форматда ўтказилади, бу эса ўқитувчиларга асосий ишидан чалғимаган ҳолда ўзлари учун қулай темпда ўқиш имконини беради. Курслар ниҳоясида иштирокчиларга болалар учун Пйтҳон бўйича дастурлашнинг қўшимча материаллари ва автоматик текширувга эга бўлган тайёр топшириқлар тақдим этилади, уларни ўқув жараёнига осон интеграция қилиш мумкин бўлади.

“Биз учун таълим соҳасидаги лойиҳаларимиз ўзбекистонликларга IT соҳасида ривожланишнинг янги имкониятларини яратиши муҳим. Шунинг учун биз турли шаҳарларда дастурлаш мактаблари, амалиёт дастурлари ва интенсивлар очмоқдамиз, янги курслар эса турли ҳудудлардаги кўплаб информатика ўқитувчиларига юқори сифатли замонавий ўқув материалларидан фойдаланишни осонлаштиради”, деб изоҳ берди Yandex Uzbekistan раҳбари Иззат Шукуров.

“Yandex Uzbekistan билан ҳамкорлик бизга замонавий таълим усулларини жорий этиш ва ўқитувчилар учун имкониятларни кенгайтириш имконини бермоқда. Ишонамизки, ушбу курслар мамлакатимиздаги таълим жараёнини яхшилашда муҳим қадам бўлади. Бу лойиҳа нафақат информатика ўқитувчиларига касбий ривожланишда ёрдам беради, балки Ўзбекистон таълим тизимини умумий модернизация қилишга ҳам ҳисса қўшади ва келажакдаги муаммоларга тайёр бўлган янги авлод мутахассисларини шакллантиришга ёрдам беради”, дейди А. Авлоний номидаги Миллий илмий-тадқиқот институти ректори Абдували Исмоилов.

*Мазкур курслар – маълумотларни етказишга қаратилган материаллар бўлиб, таълим дастури ҳисобланмайди. “Замин” янгиликларини “Twitter”да кузатиб боринг