Шавкат Мирзиёев Санкт-Петербург шаҳрига борди

^{Фото: Президент матбуот хизмати}
Шавкат Мирзиёев амалий ташриф билан Россия Федерациясига борди, деб хабар беради Президент матбуот хизмати.

«Пулково» халқаро аэропортида олий мартабали меҳмонни Санкт-Петербург губернатори Александр Беглов ва бошқа расмий шахслар кутиб олди.


Шундан сўнг Ўзбекистон президенти губернатор ҳамроҳлигида Исаакий майдонида пиёда сайр қилди.

Ташриф доирасида Ўзбекистон етакчиси 25-26 декабр кунлари Санкт-Петербург шаҳрида МДҲ давлатлари раҳбарларининг норасмий учрашуви ҳамда Олий Евроосиё иқтисодий кенгашининг навбатдаги йиғилишида кузатувчи мақомида иштирок этади.


Эслатиб ўтамиз, Шавкат Мирзиёев 7–8 октябр кунлари амалий ташриф билан Москва шаҳрида ташриф буюриб, МДҲ давлат раҳбарлари кенгашининг навбатдаги мажлиси доирасидаги тадбирларда иштирок этган эди. «Замин»ни Telegram’да ўқинг!