Дам олиш кунларидан кейин иш ритмига қандай қайтиш мумкин?

Янги йил байрамларида кўп инсонлар ўз одатлари, уйқу тартиби ва бошқа кўп нарсаларни ўзгартиришади. Дам олиш кунларида айримлар турли хил ширинликлар еган ҳолда, фильм томоша қилиш учун вақт ўтказишни афзал кўришади.

Бошқалар, аксинча, дўстлари билан учрашишади ва ўзлари учун турли хил тадбирларни ўйлаб топишади. Бироқ, ўқиш ва ишнинг одатий ритмига қайтиш иккаласи учун ҳам жисмоний, ҳам психологик қийинчилик олиб келиши мумкин.

Одатий кунларга қайтиш учун сиз ўзингизнинг ички соатингизни синхронлаштиришингиз керак, аста-секин танангизни бир вақтнинг ўзида туришга ва ётишга ўргатинг.

Тўхтовсиз овқатланиш аввалги диетага осонгина ўтишга имкон бермайди. Шунинг учун, газаклардан воз кечинг ва одатдаги порция ўлчамларини, шунингдек, ширинликларни чеклаш ёки кечки овқатдан воз кечиш шаклида кичик ҳаракатлар қилинг, бунинг учун танангиз сизга миннатдор бўлади. Аммо ҳеч қандай ҳолатда сиз оч қолмаслигингиз керак: бу қўшимча стрессга айланади.

Жисмоний фаоллик ҳаётнинг одатий ритмига осонроқ мослашишга ёрдам беради. Ҳатто ётишдан олдин қисқа юриш ҳам ўзингизга келиш, миянгизни қайта ишга тушириш ва танангизни аста-секин иш ҳолатига қайтариш имконини беради. Эрталаб енгил машқ қилиш ёки севимли мусиқангиз остида рақсга тушиш танангизни ҳис қилиш ва кайфиятингизни кўтариш имкониятини беради. Нафас олиш машқлари ҳам сизга ёрдам бериши мумкин.

Режалар тузиш ёки ҳеч бўлмаганда вазифаларни белгилаш, устувор бўлганларни камроқ муҳимларидан ажратиш вақти келди. Столингиз ва почтангизни озгина тозалаш ҳам сизни сафарбар қилишга ёрдам беради.

Таътилдан кейин қандай қилиб мактабга янги портфель билан шошганингиз, лагер ёки ота-онангиз билан таътилдан олинган таассуротлар билан қайтганингизни ёдга олинг. Худди шу схемага амал қилинг: аёллар ишнинг биринчи кунида янги кийим ёки аксессуарлар кийишлари мумкин, ҳар иккала жинс вакиллари ҳам янгиликлар билан бўлишишлари мумкин.

Асосийси, яна бир дам олиш кунлари керак эканлиги ёки вақтинча таътил олиш ҳақида ўйламанг, яхшиси энг самарали бўлиб чиқадиган кичик қадамлар ҳақида ўйланг. «Замин» янгиликларини «Вконтакти»да кузатиб боринг