Керакли лицензияга эга бўлмасдан туриб, одамларни Умра зиёратига юборган тадбиркорлик субъектларига чора кўрилган. Бу ҳақда Дин ишлари бўйича қўмита ахборот хизмати хабар бермоқда.
Маълум қилинишича, Дин ишлари бўйича қўмита томонидан ўтказилган текширувларда Фарғона вилояти Марғилон шаҳрида жойлашган “Xurmo travel umra” МЧЖ (Saxiy travel) фуқароларга лицензиясиз Умра тадбири ташкил этиб келгани аниқланган.
Шунингдек, Сурхондарё вилояти Денов шаҳрида “Anor tour”, Тошкент шаҳри Чилонзор туманида “Sokin travel” номи остида жисмоний шахслар томонидан давлат рўйхатидан ўтмасдан Умра тадбири ташкил этиб келингани аниқланган.
Қайд этилишича, қўмита томонидан “Xurmo travel umra” МЧЖ (Saxiy travel)га нисбатан “Лицензиялаш, рухсат бериш ва хабардор қилиш тартиб-таомиллари тўғрисида”ги қонуннинг тегишли моддалари талаблари бузилиши юзасидан иш қўзғатилиб, ишни кўриб чиқиш якунлари юзасидан БҲМнинг 200 баравари миқдорида (75 млн сўм) жарима қўллаш бўйича қарор қабул қилинган.
“Anor tour” ва “Sokin travel” номлари остида ишлаб келган жисмоний шахсларнинг хатти-ҳаракатлари бўйича тўпланган материаллар тегишли чора кўриш юзасидан ҳуқуқ-тартибот органларига юборилган.
“Огоҳ бўлинг, Умра тадбирларини ташкил этиш ва ўтказишга оид хизматларни лицензияга эга бўлмаган тадбиркорлик субъектлари томонидан кўрсатиш тақиқланган”, дейилади хабарда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Навоий вилоятида Nexia уриб кетган эр-хотин вафот этди
Регистоннинг муздан ясалган макети Хитойдаги фестивалда намойиш этилмоқда
Таҳлил: Абдуқодир Ҳусанов Франция ва Англия ҳимоя “қироллари”дан зўр бўлиб чиқди!
Навоий ИЭСдаги 12-сонли трансформаторда ёнғин содир бўлди (видео)
АҚШ энг кучли қор бўронига тайёрланмоқда
Дамашқ аэропорти халқаро рейслар учун очилади
Японияда тунец балиғи 1,3 млн долларга сотилди
Андижон вилоятидаги савдо дўконида йирик ёнғин содир бўлди
