212
Ўзбекистонда йўл ҳаракати қоидаларига амал қилмаслик, айниқса пиёдалар хавфсизлигига таҳдид солувчи ҳолатлар учун жазо кучайтирилди. Президент 10 апрель куни имзолаган қонунга мувофиқ, Маъмурий жавобгарлик тўғрисидаги кодексга қатор муҳим ўзгартириш ва қўшимчалар киритилди.
Тротуар, велосипед йўлкалари ва яшил ҳудудлар — ҳайдовчилар учун тақиқланган!
Эндиликда транспорт воситасини тротуар, пиёдалар ва велосипед йўлкаларидан, шунингдек уларга туташ яшил ҳудудлардан ҳайдаш қонунбузарлик ҳисобланади. Йўл ҳаракати иштирокчиларига тўсиқ яратиш, ноқонуний қурилма ўрнатиш ёки махсус ажратилган автобус тасмасида юриш ҳам маъмурий жазога сабаб бўлади.
Жарималар миқдори қандай?
Қонунга кўра, йўналишли транспорт воситаларига мўлжалланган алоҳида тасмадан бошқа транспорт воситасини ҳайдаш:
- биринчи марта қоида бузилса — БҲМнинг 1 баравари (айни пайтда 340 минг сўм) миқдорида жарима солинади;
- агар шу ҳуқуқбузарлик 1 йил ичида такрорланса — БҲМнинг 3 баравари, яъни 1 миллион 20 минг сўмгача жарима белгиланади.
Қоида бузганларга қарши кескин чоралар
Йўлларда тартиб ва хавфсизликни таъминлаш мақсадида давлат органлари томонидан ушбу ўзгаришлар билан боғлиқ назорат янада кучайтирилади. Айниқса тротуар ва пиёдалар йўлакларини ноқонуний эгаллаётган ҳайдовчилар эндиликда жиддий жазога дуч келиши кутилмоқда.
Эслатма ҳайдовчиларга:
Пиёдалар учун мўлжалланган ҳудудлар — ҳаракат қулайлиги эмас, балки инсон ҳаёти хавфсизлиги учун хизмат қилади. Қоидага амал қилмаслик нафақат жарима, балки ҳалокатли оқибатларга ҳам сабаб бўлиши мумкин. «Замин»ни Telegram’да ўқинг!
11:17, 3-04-2025
