Тошкентда уйнинг ичига кириб олган илон зарарсизлантирилди

^{Фото: Видеодан кадр}
Чилонзор тумани ФВБ қутқарувчилари уйнинг ичига кириб олган илонни зарарсизлантириб, фуқарога амалий ёрдам кўрсатди.

Кеча, 28 апрель куни соат 18:57 да Тошкент шаҳар ФВБга 112 тизими орқали мурожаат келиб тушган.

Унда, Чилонзор тумани Бешқўрғон 4-тор кўчасида жойлашган уйлар бирининг ичига илон кириб олганлиги билдирилган ва амалий ёрдам зарурлиги айтилган.

Хабарга асосан, Чилонзор тумани ФВБ қутқарувчилари воқеа жойига етиб бориб, уйнинг ичига кириб олган илонни олиб чиқди ва илон табиатга қўйиб юборилди. «Замин»ни Telegram’да ўқинг!