Қозоғистон Президенти Нурсултон Назарбоев Шавкат Мирзиёевни Ўзбекистон Президенти лавозимига сайлангани билан табриклади, дея хабар қилди Газета.uz нашри.
Нурсултон Назарбоев ўз табригида бўлиб ўтган сайлов натижалари Ўзбекистон халқи томонидан келгусида фуқароларнинг фаровон ҳаёти ва жаҳон аренасидаги мамлакат нуфузини янада ошириш йўлига улкан ишонч билдирилгани ва қўллаб-қувватланганидан далолат бераётгани қайд этиб ўтилган.
«Аминманки, Сиз раҳбарлигингизда қардош Ўзбекистон барқарорлиги ва хавфсизлигини мустаҳкамлашга хизмат қилувчи кенг миқёсли ислоҳотлар давом эттирилади», — қайд этилади телеграммада.
Нурсултон Назарбоев ҳамкорликдаги интилишлар Қозоғистон ва Ўзбекистоннинг стратегик шерикчилигини ривожлантириш ҳамда Марказий Осиёнинг барча давлатлари ҳамкорлигини кенгайтиришда туртки бўлишини таъкидлаб ўтди.
Қозоғистон Президенти икки томонлама ва минтақавий алоқаларнинг сезиларли салоҳиятга эгалигига эътибор қаратиб, сиёсий, савдо-иқтисодий ва маданий-гуманитар соҳаларда конструктив мулоқотга тайёр эканини билдирди.
«Фурсатдан фойдаланган ҳолда мулоқотларимизни Остонада давом эттириш ҳамда Сиз учун қулай вақтда Қозоғистонга давлат ташрифини амалга оширишингизни таклиф қиламан», — дейилади хабарда.
Қозоғистон раҳбари Шавкат Мирзиёевга мустаҳкам соғлик ва давлат фаолиятида янги ютуқлар, Ўзбекистон халқига эса тинчлик ва фаровонлик тилади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
