Ўзбекистоннинг Польшадаги элчихонаси дипломатлари олиб борган музокаралар ижобий натижа берди. Улар Полша Чегара хизмати мутасаддилари билан келишувга эришиб, ушбу давлатда қонунбузарлик сабабли икки ойдан ортиқ вақт давомида депортация марказида сақланиб турган ҳамюртларимиз — Т.Ж., А.Б. ва К.С.ни юртимизга қайтариш масаласини ҳал қилишди.
Маълумотларга кўра, мазкур юртдошларимиз жорий йилнинг 30 август куни “Тошкент–Варшава” йўналишида ҳаракатланувчи LO189 авиақатнови орқали Ўзбекистонга қайтади.
Бу хайрли ишлар мамлакатимизда 30 июлдан 30 августга қадар амалга оширилаётган “Ватанга қайтариш” акцияси доирасида амалга оширилмоқда.
Мутахассислар таъкидлашича, бундай ташаббуслар хорижда муаммога дуч келган фуқароларни қўллаб-қувватлашда жуда катта аҳамиятга эга. Мухлислар ва жамоатчилик эса бу жараённи юксак инсонпарварлик намунаси сифатида баҳолашмоқда.
«Замин»ни Telegram’да ўқинг!
