Жиззахда 8 ёшли бола онаси бағрига қайтарилди

Фарзанд — ҳар бир ота-она учун энг азиз неъмат. Айниқса, она учун фарзанднинг қиммати беқиёс. Агар она руҳан соғлом, маънавий жиҳатдан тўғри йўлда бўлса, уни ўз фарзандидан айириш — буни тасаввур қилишнинг ўзи қийин.

Жиззах шаҳрида ана шундай воқеа кузатилди. Суд қарорлари асосида Давлат ижрочилари томонидан амалга оширилган ижро ҳаракатлари натижасида 8 ёшли бола онаси бағрига қайтарилди. Бу жараёнда қонун устуворлиги таъминланди ва фарзанднинг она бағрида тарбия топиши учун шароит яратилди.

Ҳа, азизлар! Аёлларимиз оиласи, яқинлари ва фарзанди учун бор куч-ғайратини аямайди. Улар ўз фарзандининг бахти ва келажаги йўлида жон фидо қилишга ҳам тайёр. Турмушда турли вазиятлар бўлиши мумкин — аёл турмуш ўртоғисиз қолиши мумкин, лекин фарзандини хор бўлиб қолишидан ҳимоя қилишни ҳар қандай ҳолатда биринчи ўринга қўяди.