Тошкентда талабалар наркотик билан қўлга тушди
Тошкентда бир нечта нуфузли олий ўқув юртлари талабалари наркотик моддаларни сақлаш ва тарқатишда гумон қилиниб қўлга олинди. Тинтув вақтида улардан бирининг ёнидан тахминан 700 грамм марихуана, 600 грамм гашиш ва 100 грамм мефедрон топилди, ҳолат юзасидан жиноят иши қўзғатилиб, тергов бошланди. 2025-йилнинг биринчи ярмида Ўзбекистонда наркотик савдосига алоқадорликда айбланган 46 олий ўқув юртлари талабаси аниқланган.
Пойтахтда бир нечта нуфузли олий ўқув юртлари талабаларининг наркотик моддаларни сақлаш ва тарқатишда гумон қилиниб қўлга олингани маълум қилинди. Тинтув чоғида гумондорлардан бирининг ёнидан катта миқдорда наркотик моддалар, жумладан, тахминан 700 грамм марихуана, 600 грамм гашиш ва 100 грамм мефедрон топилган.
Мазкур ҳолат бўйича жиноят иши қўзғатилди ва ҳозирда тергов ишлари олиб борилмоқда. Бу воқеа ёшларнинг наркобизнесга жалб қилиниши тенденциясини яна бир бор таъкидлайди.
Айниқса, интернетда ўсмирларни катта ва осон даромад топишга ундовчи реклама ва ёзувлар сонининг ортиб бораётгани хавотир уйғотмоқда. Статистик маълумотларга кўра, ушбу муаммо жиддий кўлам касб этмоқда.
Фақатгина 2025 йилнинг биринчи ярмида Ўзбекистонда наркотик савдосига алоқадорликда айбланган 46 нафар олий ўқув юртлари талабаси аниқланган. Шу билан бирга, мамлакатда синтетик моддалар ишлаб чиқарувчи яширин лабораториялар сони ҳам ошмоқда.
Агар 2024 йилда бешта шундай лаборатория аниқланган бўлса, 2025 йилнинг биринчи олти ойида бу кўрсаткич саккизтага етган.
Изоҳлар 0
…