Ўзбекистон Республикаси Ички ишлар вазирлиги телефон орқали амалга оширилаётган фирибгарлик ҳолатларининг кескин кўпайгани ҳақида навбатдаги огоҳлантиришни берди. Ушбу фирибгарликлар асосан фуқароларнинг банк карталаридан пул маблағларини ўғирлашга қаратилган.
Жиноятчилар юқори даражада ташкил этилган ва мураккаб алдов усулларидан фойдаланмоқда. Улар ўзларини банк ходимлари, ҳуқуқни муҳофаза қилиш органлари вакиллари, алоқа операторлари, автоматлаштирилган телефон станциялари ходимлари ёки йирик онлайн савдо майдончалари вакиллари сифатида таништиришади.
Асосан жиноятчилар рус тилида гаплашиб, ишонч уйғотиш учун мессенжерлар орқали сохта ҳужжатлар ва хизмат гувоҳномаларини йўллашади.
Ички ишлар вазирлиги қуйидагиларни эслатади:
- Банк ва давлат органлари ходимлари ҳеч қачон ПИН-кодлар, пароллар ёки СМС-кодларини сўрамайди.
- Номаълум файллар, ҳаволалар ёки АПК иловаларни очманг, ҳатто улар таниш одамлардан келган бўлса ҳам.
- Номаълум аккаунтлардан келган аудио ёки видео қўнғироқларга жавоб берманг.
- Энг кичик шубҳа пайдо бўлса, суҳбатни тўхтатинг ва ташкилотнинг расмий телефон рақамига қайта қўнғироқ қилинг.
- Агар шахсий маълумотларингизни ошкор қилган бўлсангиз ёки шубҳали операцияларни сезган бўлсангиз, зудлик билан картангизни блокланг ва ички ишлар органларига мурожаат қилинг.
“Zamin”ни Telegram'да ўқинг!
