Бугун, 7-ноябрь куни Ўзбекистон Президенти Шавкат Мирзиёев АҚШнинг Оқ уйида бўлиб ўтган «C5+1» саммитида иштирок этди. Саммит давомида Мирзиёев АҚШ собиқ президенти Дональд Трампга муҳим мурожаат қилди.
"Россия ва Украина ўртасидаги урушни фақат сиз тўхтатишингиз мумкин", деди Шавкат Мирзиёев Дональд Трампга. Ўзбекистон президенти Трампни "тинчлик президенти" деб атаб, унинг кўплаб ҳарбий можароларни тўхтатишга муваффақ бўлганини таъкидлади.
Шуни айтиб ўтиш керакки, Трамп учун Россия ва Украина ўртасидаги тинчлик стратегик вазифа ҳисобланади. У аллақачон Россия президенти Владимир Путин ва Украина президенти Владимир Зеленский билан бир неча бор музокаралар олиб борган.
Аммо томонлар ҳозирча тинчлик шартлари бўйича келиша олмаган. Украина Россия шартларида урушни тўхтатишга рози эмас, Россия эса ўз имкониятларини юқори баҳолаган ҳолда ён беришни истамаётган.
