Андижонда вояга етмаганлар можароси бўйича чора кўрилди
7-ноябр куни Андижон шаҳридаги "Мустақиллик" маҳалласида тўрт нафар вояга етмаган қиз "Шурбулоқ" маҳалласида яшовчи қизга гуруҳ бўлиб ҳужум қилиб, унга тан жароҳати етказган. Можаро ҳужум қилганлардан бири ва жабрланувчи ўртасидаги келишмовчилик сабаб юзага келган. Ҳолат юзасидан тергов ишлари олиб борилмоқда, ҳужум қилган қизларнинг ота-оналарига нисбатан маъмурий баённома тузилди.
Андижон вилояти Ички ишлар бошқармаси матбуот хизмати расмий хабар берди. Жорий йилнинг 7 ноябр куни Андижон шаҳридаги "Мустақиллик" маҳалласи, 6-уй яқинида тўрт нафар вояга етмаган қиз "Шурбулоқ" маҳаласида яшовчи вояга етмаган қизга ҳужум қилган.
Ҳужум қилганлардан бири жабрланувчи билан олдиндан таниш бўлган. Можаро сабаби ҳужум қилганлардан бири билан юзага келган келишмовчилик бўлиб, кейинчалик унга яна уч нафар дугонаси қўшилган ва улар биргаликда қизга тан жароҳати етказган.
Гуруҳ бўлиб ҳужум қилиш натижасида жабрланувчи қиз тан жароҳати олган. Ушбу ҳолат юзасидан тергов ишлари олиб борилмоқда.
Ҳужум қилган қизларнинг ота-оналарига нисбатан Ўзбекистон Республикаси Маъмурий жавобгарлик тўғрисидаги кодексининг "Болаларни тарбиялаш ва ўқитиш бўйича вазифаларни бажармаслик" моддаси асосида маъмурий баённома тузилди.
Изоҳлар 0
…