Севгиси рад этилган йигит Lacettiни олиб қочди
Тошкентда севгиси рад этилган 29 ёшли Р.М. кўчада турган, эшиклари очиқ ва калити ўт олдиргичда бўлган Ласеттини ҳайдаб кетди. У кейинчалик пушаймон бўлиб, автомобилни йўл четида қолдирган ва машина эгасига соғ-саломат қайтарилган. Бектемир туман суди Р.М.ни Жиноят кодексининг 267-моддаси 1-қисми бўйича айбли деб топиб, унга 4 йил озодликдан маҳрум қилиш жазоси тайинлади.
Тошкент шаҳрида севгида рад жавоби олган йигит аламдан қонунбузарликка қўл урди, деб хабар берди пойтахт Ички ишлар бош бошқармаси.
Маълумотларга кўра, 29 ёшли Р.М. севган қизи совчиларини қабул қилмаганидан кейин асабийлашиб, кўчада турган Lacetti автомашинасини кўриб қолган. Машинанинг эшиклари очиқ, калити эса ўт олдиргичда бўлган. У бир дақиқа эҳтиётсизлик билан “ҳаётдан алам чиқариш” мақсадида уни ҳайдап кетган.
Йигит кейинчалик қилмишидан пушаймон бўлиб, машинани йўл четида қолдириб кетган. Автомобиль эгасига соғ-саломат қайтарилган.
Бектемир туман суди Р.М.ни Жиноят кодексининг 267-моддаси 1-қисми — транспорт воситасини олиб қочиш бўйича айбли деб топди. Унинг қилмишидан чин дилдан афсуслангани ва машинани бузмасдан қайтаргани инобатга олиниб, унга 4 йил озодликдан маҳрум қилиш жазоси тайинланди.
Ҳокимият ва ҳуқуқ идоралари ёшларга “эҳтирос билан эмас, ақл билан қарор қабул қилиш”ни тавсия этмоқда.
Изоҳлар 0
…