Қамчиқ довонида кеча–кундуз ҳукм сураётган ёмғир, қор ва кучли шамол ҳайдовчилар учун жиддий синовга айланди. Музлаб қолган йўл, кўринмаслик ва хавфли паст-баландликлар ортидан айрим транспортлар йўлнинг ўртасида тўхтаб қолди, баъзи йўловчилар эса мураккаб ҳолатга тушиб, ёрдамга муҳтож бўлиб қолди.
Фавқулодда вазиятлар вазирлиги ахборотига кўра, қутқарув отрядлари довонда узлуксиз иш олиб бормоқда. Улар йўлда қолиб кетган ҳайдовчилар ва йўловчиларни хавфсиз жойларга эвакуация қилиш, иссиқ ичимликлар билан таъминлаш ҳамда зарур бирламчи ёрдам кўрсатишни ташкил этмоқда. Мамлакатнинг энг долзарб трассаларидан бири ҳисобланган Қамчиқда фуқаролар хавфсизлиги биринчи ўринда турибди.
Қор кўчкиси хавфи ошгани боис довон орқали ҳаракат вақтинча тўлиқ чекланди. Мутасадди идоралар йўл ҳолатини доимий мониторинг қилиб боряпти. Табиатдаги хавфли омиллар бартараф этилгандан сўнг, ҳаракат босқичма-босқич тикланиши кутиляпти.
Масъуллар аҳолидан эҳтиёт бўлишни, заруратсиз ҳолда йўлга чиқмасликни, айниқса, довон орқали сафарларни вақтинча ортга суришни тавсия қилмоқда. Ҳар қандай сафар олдидан ҳаво шароити ва расмий ахборот манбаларини кузатиб бориш эса ҳар бир фуқаро учун жуда муҳим.
Эҳтиётсиз йўл тутиш ва онгли ҳаракат – бугунги довон шароитида энг катта хавфсизлик кафолати.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
