Эгаси билан панжасини силкитиб сўрашадиган калтакесак юлдузга айланди

Эгасига олд панжасини силкитиб сўрашадиган калтакесак интернет юлдузга айланди. Ушбу ҳолат тасвирланган видео 17 февралда YouTube’даги Thehypnoguy1 каналида жойлаштирилган, деб ёзмоқда Кун.уз нашри.

Калтакесак эгаси севимли жонзотини қўлини силкитиб қаршилайди. Калтакесак эса эгасининг ҳаракатларига монанд панжасини силкитиб унга жавоб беради. "Мана менинг калтакесагим унга қўл силкитганимда нима қилади", дейилган ролик номида.

Видео уч кун ичида 160 мингдан кўпроқ намойиш тўплашга улгурди. Ролик остида қолдирилган изоҳларда фойдаланувчилар судралиб юрувчи жонзотнинг бу қобилиятидан ҳайрат билдиришган ва унинг эгасидан калтакесакни бунга ўргатиш учун қанча вақт талаб қилингани билан қизиқиб кўришган. «Замин»ни Telegram’да ўқинг!