Андижонда мактаб ўқувчиси танишини пичоқлаб қўйди
Андижон вилоятининг Булоқбоши туманида 17 ёшли мактаб ўқувчиси аввалги низо сабаб танишига хўжалик пичоғи билан тан жароҳати етказган, жабрланувчи вафот этган. Воқеа 2026 йил 6 феврал куни содир бўлган. Ҳолат юзасидан Жиноят кодексининг 97-моддаси билан жиноят иши қўзғатилган. Вояга етмаган гумонланувчи ушланган, тергов ҳаракатлари давом этмоқда.
Андижон вилоятида оғир жиноят қайд этилди: 17 ёшли мактаб ўқувчиси таниши билан аввалроқ келиб чиққан низо оқибатида жанжаллашиб, унга хўжалик пичоғи билан тан жароҳати етказган ва оқибатда у вафот этган.
Бош прокуратура матбуот котиби Ҳаёт Шамсуддинов маълум қилишича, воқеа 2026 йил 6 февраль куни Булоқбоши туманида содир бўлган. Тармоқларда тарқалган айрим хабарларда жабрланувчининг 19 ёшда экани айтилмоқда.
Ҳолат юзасидан Жиноят кодексининг 97-моддаси (қасддан одам ўлдириш) билан жиноят иши қўзғатилган. Вояга етмаган гумонланувчи процессуал тартибда ушланган, ҳозирда тергов ҳаракатлари олиб борилмоқда.
Изоҳлар 0
…