Тошкент шаҳрида бир ҳафтада қидирувдаги 33 киши қўлга олинди

  • 23 март 2017, 18:56
  • 4 538
  • Жамият
  • Тошкент шаҳрида бир ҳафтада қидирувдаги 33 киши қўлга олинди
    2017 йилнинг 17 март кунидан 23 март кунига қадар Тошкент шаҳар Ички ишлар Бош бошқармаси соҳавий хизматлари томонидан ҳар бир содир этилган жиноят учун жавобгарлик муқаррарлигини таъминлаш мақсадида амалий чоралар кўриш давом эттирилди. Ўтган бир ҳафта ўтказилган ишлар натижаси ҳақида Тошкент шаҳар ИИББда бўлиб ўтган матбуот брифингида бошлиқ ўринбосари Дониёр Тошхўжаев маълумотига таяниб Кун.уз хабар берди.

    Унинг сўзларига кўра, ой бошидан буён 90та, ҳафта давомида 19та жиноят фош этилган. Сўнгги ҳафтада: 1та қотиллик, 2та босқинчилик, 1та талончилик, 1та оғир тан жароҳати етказиш, 8та ўғирлик, 5та фирибгарлик, 1та маъмурий қоидани бузиш жиноятларини ташкил этган.

    Ой бошидан бери 145 нафар, ҳафта давомида эса 33 нафар – қидирувда бўлган жиноятчилар ушланиб, уларга нисбатан жавобгарлик муқаррарлиги таъминланган.

    Ҳафта давомида мулкий турдаги жиноятларнинг содир этилишининг олдини олиш мақсадида,
    102 хонадон ва 66та объект қўриқлов тизимига уланган, 207 объектга автоном сигнализация ўрнатилган, 252та объектга видеокамералар ўрнатилган.

    Ҳафта давомида 6 нафар жиноятчи томонидан Тошкент шаҳрига 34,63 грамм “марихуана” гиёҳвандлик моддасини олиб кираётганлиги аниқланиб, тегишли тартибда расмийлаштирилди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Тошкент шаҳрида бир ҳафтада қидирувдаги 33 киши қўлга олинди