Мирзиёев ва Путин маданий тадбирларда ҳам иштирок этадилар

  • 05 апрель 2017, 10:35
  • 4 791
  • Жамият
  • Мирзиёев ва Путин маданий тадбирларда ҳам иштирок этадилар
    Айни вақтда давлат ташрифи билан Россиянинг Москва шаҳрида бўлиб турган Ўзбекистон Республикаси Президенти Шавкат Мирзиёев бугун россиялик ҳамкасби Владимир Путин ва Бош вазир Дмитрий Медведев билан учрашув ўтказиши белгиланган.

    Муҳокамалар чоғида иқтисодий ҳамкорлик масаласида шартномалар имзолашдан ташқари, маданий дастурда ҳам иштирок этиш режалаштирилган. Президентлар Пушкин номидаги Давлат тасвирий санъат музейига ташриф уюштиришлари белгиланган. Бу ерда улар Игорь Савицкий номидаги Қорақалпоғистон Республикасининг санъат музейи коллекциясидан ўрин олган рус санъатига оид экспозиция билан танишадилар. Бу ҳақда ТАСС агентлигига таяниб "Қалампир.уз" хабар бермоқда.

    Экспозициядан 234 та буюм жой олган. Улар орасида рассомлик ва графика, декоратив-амалий санъат асарлари, шунингдек, археологик артефактлар бор.

    Мазкур кўргазма Ўзбекистон ва Россия ўртасида ўрнатилган дипломатик муносабатларнинг 25 йиллиги муносабати билан ўтказилмоқда. Кўргазма очилишида Ўзбекистон ва Россиянинг Маданият вазирлари ҳам иштирок этадилар.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Мирзиёев ва Путин маданий тадбирларда ҳам иштирок этадилар