Ўзбекистон президенти томонидан 2016 йилнинг 16 сентябрида имзоланган "Ички ишлар органлари тўғрисида"ги қонун жорий йилнинг 17 мартида кучга кирди, деб хабар қилди "Халқ сўзи" газетасига таяниб "Соф.уз" нашри.
Ушбу Қонун ички ишлар органлари мақоми, фаолиятининг шакл ва усулларини ҳар томонлама тартибга солиш баробарида, уни янги босқичга кўтаришга хизмат қилиши билан аҳамиятлилиги айтилган.
Таъкидланишича, қонунда ички ишлар органлари асосий вазифалари, фаолият йўналишлари ва принциплари мустаҳкамлаб қўйилган. "Ички ишлар органларининг фуқаролар ҳуқуқлари, эркинликлари ва қонуний манфаатлари ҳимоясини, жамоат тартибини ва жамоат хавфсизлигини, юридик ҳамда жисмоний шахслар мол-мулки ҳимоясини таъминлаш билан боғлиқ вазифалари ҳуқуқий жиҳатдан кафолатланади", — дейилади хабарда.
Қонуннинг ички ишлар органларининг ваколат ва мажбуриятлари, шунингдек, ушбу идораларда хизмат ўташ тартиби ва шартлари, ходимларнинг ҳуқуқий ва ижтимоий ҳимояси яхлит ҳужжатда мужассам этилган. Мазкур соҳани ҳуқуқий тартибга солишнинг хорижий ва миллий тажрибаси инобатга олинган ҳолда ишлаб чиқилган Қонун Ўзбекистон Республикасида илк бор ички ишлар органлари ва ходимларининг давлат миқёсида ҳуқуқий мақомини қонун даражасида мустаҳкамлаш, уларнинг ижтимоий зарурати ва аҳамиятини эътироф этишда ҳам муҳим ўрин тутади.
Ушбу ҳужжатнинг асосий йўналиши — ички ишлар органлари фаолиятини амалга ошириш жараёнида фуқаролар ҳуқуқий ҳимоясини таъминлашга қаратилган, ҳуқуқбузарликларнинг олдини олиш ва унга чек қўйишдан иборат. Шу билан бирга, шахсларни ҳам ноқонуний ижтимоий хавфли хуружлардан, ҳам ходимлар томонидан ички ишлар органларига юклатилган вазифаларни бажариш чоғидаги ноқонуний хатти-ҳаракатлардан ҳимоя қилишни таъминлайди.
Қонунда ички ишлар органлари фаолиятининг асосий принципларининг ҳар бири алоҳида очиб берилган, қўллаш учун рухсат этилган махсус воситаларнинг муайян рўйхати, фуқароларнинг ҳуқуқ ва эркинликлари ҳамда қонуний манфаатларига риоя қилиш кафолатлари назарда тутилган.
Маълумки, сўнгги йилларда ёшлар ўртасида ички ишлар органлари тизимида хизматни ўташ ҳамда ишга киришга бўлган қизиқиш ортиб бормоқда. Шуни инобатга олган ҳолда айтиш жоизки, Қонунда ички ишлар органларига хизматга қабул қилиш ва хизматдан бўшатиш билан боғлиқ хизмат муносабатларининг тартибга солингани, бу борада очиқлик ва ошкоралик тамойиллари белгилаб қўйилган ҳамда ички ишлар органлари ходимларининг ижтимоий ва ҳуқуқий ҳимоясини таъминлашга қаратилган бир қатор нормалар мустаҳкамланган.
Бу эса, ўз навбатида, ушбу тизимда хизмат қилишга бел боғлаган мард, жасур ва ватанпарвар ёшлар сафини янада кенгайтириш, айни пайтда ички ишлар органлари ходимларининг ўз хизмат вазифаларини сидқидилдан бажаришларини таъминлашда долзарб аҳамият касб этади.
"Қонунда ички ишлар органлари фаолиятининг энг муҳим тамойиллари сифатида қонунийлик, ҳуқуқни ҳурмат қилиш ва унга риоя этиш, фуқароларнинг эркинлиги ва қонуний манфаатлари, очиқлик ва шаффофлик каби умуминсоний қадриятлар ўз ифодасини топган", — дейилган хабарда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Путин Украинадаги объектга баллистик ракета зарбаси берилганини эълон қилди
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Ўмон султонлиги элчиси: «Урушларни ҳарбий куч билан ҳал қилиб бўлмайди»
