Фото: Прокуратура департаменти
Сирдарё вилоятида йирик миқдордаги молиявий қонунбузарлик ҳолати аниқланиб, жамоатчилик эътиборини тортди. Гап қарийб 2,9 миллиард сўмлик кредит маблағларини ноқонуний ўзлаштириш ҳақида кетмоқда.
Бош прокуратура ҳузуридаги Департаментнинг Боёвут тумани бўлими томонидан тадбиркорлик субъектларининг ҳуқуқий ҳимояси доирасида ўтказилган текширув жараёнида ушбу ҳолат юзага чиқди.
Текширув натижаларига кўра, фуқаро У.Б. уч нафар шахс номига «B.A.», «О.Ф.» МЧЖ ҳамда «А.» фермер хўжалигини расмийлаштирган. Кейинчалик ушбу ташкилотлар орқали тижорат банкларидан чорва молларини харид қилиш мақсадида ажратилган катта миқдордаги кредит маблағлари ўзлаштирилган.
Маълум бўлишича, олинган маблағлар ҳисобига харид қилинган чорва моллари нақд пулга сотиб юборилган ва маблағлар белгиланган мақсадда ишлатилмаган. Бу эса молиявий интизом ва қонун талабларининг қўпол бузилишига олиб келган.
Ҳолат юзасидан Жиноят кодексининг 167-моддаси — ўзлаштириш ёки растрата йўли билан талон-торож қилиш бўйича жиноят иши қўзғатилди. Айни пайтда тергов ҳаракатлари давом этмоқда.
Қисқача айтганда, “кредит — ривож учун, схемалар учун эмас”. Бундай ҳолатлар қаттиқ назорат остига олинаётгани эса сигнал: тизим уйғоқ.
“Zamin”ни Telegram'да ўқинг!
