Тошкент шаҳридаги ҳар бир автобусга ҳайдовчига қуёш нурининг тўғридан-тўғри тушишини олдини оладиган парда ва 3 тадан вентилятор мосламаси ўрнатилади. Бу ҳақда «Тошшаҳартрансхизмат» АЖ ахборот хизмати хабар бермоқда.
Хабарда айтилишича, 17 май куни «Тошшаҳартрансхизмат» АЖ бошқарув раиси вазифасини бажарувчи Х.Холматов раислигида жамият таркибидаги барча корхоналар раҳбарлари, мутасадди ходимлари иштирокида видеоселектор йиғилиши бўлиб ўтди.
Йиғилишда Х.Холматов 12 ва 13 май кунлари ўтказилган йиғилишларда берилган топшириқларнинг ижроси тўғрисида автобус корхоналари раҳбарларининг ҳисоботини тинглади.
«Тошшаҳартрансхизмат» АЖ тизимида ижобий ўзгаришлар қилиш ва аҳолининг розилигини олиш учун автобус корхоналари раҳбарларига берилган ўн кунлик муддатдан 5 куни қолганлигини таъкидлаб, ўтган 5 кун давомида ишни яхши томонга ўзгартирмаган раҳбарларни огоҳлантирди.
«3-автобус саройи» МЧЖ директорининг тасарруф бўйича ўринбосари ўзига берилган топшириқларнинг бажарилишида масъулиятсизликка йўл қўйганлиги, ўз касбига совуққонлик билан ёндашганлиги, автобус ҳайдовчилари ўртасида тушунтириш ишларини етарлича олиб бормагани ва меҳнат интизомини сусайтириб юборгани учун уни эгаллаб турган лавозимидан озод этиш таклифи берилди.
Шунингдек, Германиядан келтирилган 1,95 млн евролик эҳтиёт қисмларни узоқ муддатдан буён тўхтаб турган автобусларга қўйиб, йўналишларда ҳаракат мунтазамлигини кўтариш бўйича корхона раҳбарларига ва мутасадди ходимларга аниқ топшириқлар берилди.
Бундан ташқари, ҳар бир автобусга ҳайдовчига қуёш нурининг тўғридан-тўғри тушишини олдини оладиган ҳамда кўринишини чекламайдиган махсус соябон (парда) ҳамда куннинг жазирама кунларида йўловчиларга ва ҳайдовчиларга қулайлик яратиш мақсадида ҳар бир автобусга 3 тадан вентилятор мосламасини ўрнатиш бўйича мутасадди ходимларга вазифалар берилди.
Ўзига юклатилган вазифаларни ўз вақтида бажармасдан масъулиятсизликка йўл қўйганлиги учун «Тошшаҳартрансхизмат» АЖ бошқарув раисининг молиявий масалалар бўйича ўринбосари М.Валиевни эгаллаб турган вазифасидан озод этиш таклифи берилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
