Балиқчилар ёнига ташланган шубҳали тугун ижтимоий тармоқларда муҳокамага сабаб бўлди
Ижтимоий тармоқларда кўприк остида балиқ тутаётган фуқаролар ёнига ташланган шубҳали тугун акс этган видео кенг тарқалди. Латтага ўралган ўрам очилганида, унинг ичида қулф ҳамда турли жисмлар санчилган қўғирчоқ борлиги кўрилган. Бу эса тармоқ фойдаланувчилари ўртасида турли тахмин ва баҳсларга сабаб бўлди.
Видеотасвирларда воқеа йирик кўприк остида содир бўлгани кўринади. Дарё бўйида 3–4 нафар фуқаро балиқ овлаб ўтирган вақтда, кўприк устидан номаълум шахс томонидан латтага ўралган тугун пастга улоқтирилган. Тасодифан ўрам тўғридан-тўғри балиқчилар ёнига тушган.
Тугунни очиб кўрган фуқаролар унинг ичида қулф ва турли жисмлар санчилган қўғирчоқни кўриб ҳайратда қолган. Айрим ижтимоий тармоқ фойдаланувчилари буни «жоду қилинган буюм» деб баҳолаган бўлса, бошқалар уни шунчаки саҳналаштирилган ҳолат ёки эътибор жалб қилиш учун тайёрланган видеолардан бири бўлиши мумкинлигини таъкидламоқда. Ҳозирча ушбу воқеа юзасидан расмий маълумот берилмаган.
Изоҳлар 0
…