Пойтахтимизда Ўзбекистон «Адолат» социал-демократик партияси сиёсий кенгаши ҳамда партиянинг Олий Мажлис Қонунчилик палатасидаги фракцияси томонидан Ўзбекистон Республикаси Олий ва ўрта махсус таълим вазирлиги билан ҳамкорликда «Олий таълим соҳасини ривожлантиришнинг истиқболлари» мавзуида давра суҳбати ўтказилди.
Ўзбекистон «Адолат» социал-демократик партияси сиёсий кенгаши раиси Н.Умаров ва бошқалар мамлакатимизда таълим тизимига давлат сиёсати даражасида қаралишини, ушбу соҳада олиб борилаётган ислоҳотлар янги босқичга кўтарилганини таъкидлади.
Ўзбекистон Республикаси Вазирлар Маҳкамасининг 2017 йил 3 апрелдаги «Хорижий давлатларда таълим олганлик тўғрисидаги ҳужжатларни тан олиш ва нострификациялаш (эквивалентлигини қайд этиш) тартиби тўғрисида Низомга ўзгартириш ва қўшимчалар киритиш ҳақида»ги қарори ижроси юзасидан фикр-мулоҳазалар билдирилди.
– Илмий-тадқиқот ишлари, мутахассисларни тайёрлаш даражаси ва сифатини ошириш, олий ўқув юртларининг моддий-техника базасини мустаҳкамлаш, ҳудудлар ва тармоқлардаги мавжуд эҳтиёжни инобатга олган ҳолда мутахассислар тайёрлаш, олий ўқув юртларининг инновацион инфратузилмасини кучайтиришга доир қўшимча меъёрий-ҳуқуқий ҳужжатлар ва мақсадли дастурлар ишлаб чиқиш партиямизнинг энг муҳим дастурий мақсадларидандир, – дейди Олий Мажлис Қонунчилик палатаси депутати Қодир Жўраев.
Давра суҳбатида Вазирлар Маҳкамасининг қарори билан жорий йилдан бошлаб хорижий давлатларда таълим олганлик тўғрисидаги ҳужжатларни тан олиш ва нострификациялаш, яъни эквивалентлигини қайд этиш тартибига киритилган янгиликлар хусусида сўз юритилди.
Ушбу ҳужжатга кўра, дунёнинг етакчи, халқаро рейтингларда юқори ўринларда турган хорижий олий таълим муассасаларида таълим олган битирувчиларнинг дипломларини тўғридан-тўғри махсус синовларсиз нострификациялаш амалга оширилиши белгиланган. Ушбу янгилик хорижнинг етакчи олий таълим муассасасини тамомлаган олий малакали кадрларнинг ўз билими ва салоҳиятини Ватанимиз тараққиёти йўлида сарфлашига хизмат қилади. Мамлакатимиз меҳнат бозорида олий маълумотли кадрлар ўртасида рақобат муҳитини кучайтиради.
Манба: UzA “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шимолий Корея Россияга узоққа зарба берувчи қуроллар юборди
Ижтимоий тармоқлар даврида руҳий саломатликни қандай сақлаш мумкин?
КХДР Россияга 100 минггача ҳарбий юбориши мумкин
Туркия Исроил президенти самолётини ҳаво ҳудудига киритмади
Эрон АҚШдан 1 трлн доллар компенсация талаб қилди
Ким Чен Ин ҳарбийларни жанговар ҳолатда туришга чақирди
Тюмен областига Ўзбекистондан меҳнат мигрантлари ишга жалб қилинади
Рашида Толиб Конгресс аъзоларига «аччиқ ҳақиқат»нинг суратини кўрсатди
