21 503
Мажбурий ижро бюроси ходимлари учун расмий формалар ҳали тасдиқланмаган! Унда кўчадаги бу қарз ундирувчилар ким?
Адлия вазирлиги вакили маълумот беришича, интернетда тарқалган суратлар ҳақиқий формалар эмас.
Шу билан биргаликда, ҳақиқий формалар ҳам интернетда тарқалган суратлардагига ўхшаб кетиши, ходимларда худди шундай рангдаги формалар ва кепкалар бўлиши айтилди. Лекин, форма елкасида MIB ёзуви, ходимнинг қўлида эса дубинка бўлмайди.
«Ходимлар полициячилардек бўлиши ҳақиқатга яқинмас. Улар дубинкада юрмайди. Уларда умуман қурол бўлмайди. Улар тартибни, хавфсизликни таъминлаш билан шуғулланмайди. Улар қарздорларнинг уйига бориб, қарзни тўлашга чақиради, қарзни тўламаслик оқибатларидан огоҳлантиради», деган суҳбатдош.
Вазирлик вакили формаларни тайёрлаш ҳали лойиҳа босқичида экани, яқин вақт ичида форманинг ҳақиқий суратлари эълон қилинишини билдирди.
Эслатиб ўтамиз, бугун ижтимоий тармоқларда гўёки Мажбурий ижро бюроси ходимлари тасвирланган суратлар тарқалди. Энди маълум бўлишича, бу ижтимоий клип суратга олиниши жараёнида олинган суратлар эди.
2017 йил 29 майдаги президент фармонига кўра, Адлия вазирлиги ҳузуридаги Суд департаменти тугатилиб, Бош прокуратура ҳузурида Мажбурий ижро бюроси ташкил этилганди.
Тошкент прокурори Ботир Қудратхўжаев коммунал тўловларни ундирувчи бюрога раҳбар этиб тайинланган.
Манба: Hordiq.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Apple донгдор икки айфонини расман эскирган деб эълон қилди
Россиялик депутат: «Олий маълумотлиларнинг курерлик қилиши — ватанпарварликка зид»
20 ёшли ўзбекистонлик қизни қариндоши Туркияга сотиб юборди
Омега-3 қандай қилиб озишга ёрдам беради?
Ким Чен Ин ҳарбийларни жанговар ҳолатда туришга чақирди
Хатолар ва мағлубиятлар... улар кечириладими?
Энди операциядан сўнг кесмалар ўрни икки баробар тезроқ битиши мумкин
